Vidal Bolaño no Rosalía
No colexio estivemos traballando nas aulas sobre a súa figura e aprendimos moitas cousas del. Por iso fixémoslle unha homenaxe cun pequeno festival onde tódolos cursos do centro aportaron unha actuación.Nós, os de primeiro A e primeiro B, participamos lendo unha pequena biografía ilustrada de R. Vidal Bolaño e, ademais, cunha interpretación dun fragmento dunha obra de teatro que se titula: "Touporroutou da lúa e do Sol".
Que nervios antes da función ...!
Os de 1ºB fixemos a biografía e aínda non temos imaxes da súa colaboración. En canto estean dispoñibles colgarémolas no blog.
Os de 1ºA fixemos a devandita representación teatral e aquí vola presentamos nesta gravación.