E aí os vamos!
A excursión de fin de curso resultou ser unha emocionante viaxe en tren ata
Padrón para despois visitar a
casa-museo de Rosalía de Castro. A escritora está moi conectada a Carril pois, pouco antes de morrer, visitou a nosa vila co desexo de ver o mar. E, por suposto, destacar o feito de que o noso colexio recibe o nome da poetisa galega.
Esperando na plataforma
Chegamos a estación de Vilagarcía con tempo suficiente para comprobar que está en obras, polo que tivemos que cruzar a vía a través dunha enorme pasarela provisional que, a verdade, deunos moito xogo.
Futuro xornalista tomando nota dos acontecementos
Unha vez acomodados no tren comprobamos a fermosura das vistas nunha viaxe que case todo o tempo vai a rentes do
río Ulla, dende a desembocadura ata
Pontecesures.
A casa de Rosalía gustounos moitísimo polo xardín que a rodea e polo seu interior, onde conserva documentos, libros, mobiliario, roupa e obxectos da época na que a escritora viviu.
Merendando
A guía da casa foi en todo momento explicándonos os relatos da súa biografía e nós escoitámola con moita atención.
Amigas
Non puidemos visitar, como estaba previsto, o xardín botánico de Padrón porque estaba pechado por obras, pero despois de merendar, visionamos, no salón de actos do museo, un vídeo sobre as principais obras de Rosalía.
Ao final, tentamos facer una foto "ordenada" fronte ao monumento. Non puido ser ...
De volta ao cole chegamos un pouco tarde, pois o tren retrasouse case, case, quince minutos. Coa fame que levabamos!
